Aðalheiður Karlsdóttir
Löggiltur fasteignasali, B.Ed., og AMP frá IESE í Barcelona
Aðalheiður er með langa reynslu af stjórnunarstörfum, atvinnurekstri, fjárfestingaverkefnum og fasteignasölu á Íslandi og erlendis.
Hún starfaði sem blaðamaður og stærðfræðikennari við Verslunarskóla Íslands. Stofnaði sín eigin fyrirtæki, Englabörnin og Provida, í smásölu, innflutningi og markaðssetningu og rak þau um árabil. Hún hefur starfað við fasteignasölu og fjárfestingarverkefni sl. 20 ár.
Aðalheiður er löggiltur fasteignasali, með áherslu á íslenskan og spænskan markað. Hún hefur mikla reynslu af fasteignasölu á Spáni og hefur starfað við það óslitið síðan árið 2000.
Hún lauk námi í Advanced Management (AMP) og stjórnun frá IESE háskólanum í Barcelona árið 2007 og hefur víðtæka þekkingu og reynslu í viðskiptum á alþjóðavettvangi með áherslu á fasteignir og fasteignaþróunarverkefni.
Aðalheiður sat í stjórn FKA, félags kvenna í atvinnulífinu í nokkur ár, og var stjórnarmaður í Evrópudeild FCEM, alþjóðleg samtök kvenna í atvinnurekstri. Hún hefur tekið virkan þátt í ýmsum verkefnum til stuðnings konum í atvinnulífinu og við að aðstoða konur í þróunarlöndum til að setja upp sín eigin fyrirtæki. Hún hefur mikinn áhuga fyrir listum og er ein af stofnendum og meðeigendum Art Gallery 101, listagallerý í miðbæ Reykjavíkur. Hún býr í Reykjavík en hefur verið með sitt annað heimili á Spáni sl. 20 ár.
Karl Bernburg, viðskiptafræðingur.
Karl er með víðtæka reynslu af sölu- og markaðsstörfum, húsbyggingum, viðhaldi fasteigna og fasteignaþróunarverkefnum. Búsettur á Íslandi.
Berta Hawkins, viðskiptafræðingur, nám til löggildingar fasteignasala og leigumiðlara.
Berta starfaði sem löggiltur fasteignasali og leigumiðlari um árabil á Íslandi, en starfar nú á því sviði á Spáni. Hún er einnig löggiltur Zumba kennari og einkaþjálfari og á og rekur Hawks Fitness í Villamartin á Spáni. Hún er búsett á Spáni.