Spánareignir - Las Ramblas Golf SPÁNN

84.000.000 Kr.

  • Tegund eignar

    Einbýli / Einbýlishús á þremur hæðum

  • Fjöldi baðherbergja

    3

  • Fjöldi svefnherbergja

    4

  • Fermetrastærð

    0 m2

Tilvísunarnúmer:

546670

REIKNA ÚT LÁN

SPÁNAREIGNIR KYNNIR:
*MIKIÐ ENDURNÝJAÐ OG GLÆSILEGT EINBÝLISHÚS Á GOLFVELLI* - *FRÁBÆRT ÚTSÝNI*

Rúmgott og mikið endurnýjað einbýlishús á  þremur hæðum með glæsilegum lokuðum garði með einka sundlaug við hinn vinsæla Las Ramblas golfvöll um 50 mín akstur suður af Alicante. Fjögur svefnherbergi, tvö baðherbergi,  gestasnyrting, stofa/borðstofa í opnu rými, vel útbúið eldhús og geymsla. Arinn í stofu. Loftkæling/hiti og auk þess miðstöðvarhitun með ofnakerfi. Stór verönd út frá stofu með með góðu aðgengi að garðinum.  Þakverönd með góðu útsýni.  Sér bílastæði.


Allar upplýsingar gefa Aðalheiður Karlsdóttir, löggiltur fasteignasali. GSM 893 2495. [email protected] og
Karl Bernburg, viðskiptafræðingur. GSM 777 4277. [email protected]


Nánari lýsing:
Jarðhæð: Baðherbergi + gestasnyrting. Tvö svefnherbergi, stór stofa, gas arinn. Endurnýjað eldhús, vel tengt rúmgóðri borðstofu. Geymsla. Verönd.
1. hæð: rúmgott svefnherbergi
2. hæð: Svefnherbergissvíta með sér baðherbergi og útgengi út á stóra þakverönd með heitum potti og góðri aðstöðu. Frábært útsýni, ma. yfir golfvöllinn og til sjávar.
Loftkæling/hiti í öllu húsinu. Miðstöðvarhitun með ofnakerfi. Húsgögn og húsbúnaður sem er á myndum fylgir.
Útisvæðið hefur verið mikið endurnýjað, með fallegum útiflísum og var við alla hönnun lögð áhersla á auðvelda umhirðu. Upphituð einkasundlaug og útisturta.. Góð grillaðstaða. Bílastæði.Öryggiskerfi. Gott geymslurými ásamt ýmsum fleiri þægindum. Sjón er sögu ríkari.

Húsið er vel staðsett í göngufæri við Klúbbhúsið á Las Ramblas Golfvellinum. Einnig stutt frá La Fuente verslana og veitingahúsakjarnan, Aldi, Mercadona og fleiri verslunum. Skemmtilegar hjóla- og gönguleiðir í næsta nágrenni. Fjölmargir góðir golfvellir í næsta nágrenni, t.d. Campoamor, Las Colinas, Villamartin, La Finca, Lo Romero, Roda Golf,  La Marquesa og fleiri.

Ca. 10 mín akstur er niður á ströndina og ca. 10 mín. akstur í nýju verslunarmiðstöðina La Zenia Boulevard.
Gott úrval verslana og veitingastaða er í næsta nágrenni, auk þess er stutt í heilsugæslu, tennisvöll, fótboltavöll, crazy golf ofl.
Notalegt draumahúsinu fyrir fjölskylduna eða vinahópinn og fólk sem vill njóta lífsins í golfi og góðu veðri allt árið.

Verð: 560.000 Evrur. (ISK. 84.000.000,- miðað við gengi 1E=150ISK.)

Við höfum selt fasteignir á Spáni síðan 2001. Tryggir þekkingu, reynslu og öryggi.

Eitt besta loftslag í heimi samkvæmt Alþjóða heilbrigðistofnunni, WHO.

Mögulegt er að fjármagna hluta kaupverðs með láni frá spænskum banka.

Sjá nánar um fasteignakaup á Spáni á http://www.spanareignir.is

Kostnaður við kaupin:
10% IVA (spænskur söluskattur) af kaupverði eignarinnar. Auk þess má gera ráð fyrir ca. 3% kostnaði vegna stimpilgjalda og annars kostnaðar við kaupin, þ.e. samtals getur kostnaður vegna kaupa á fasteign á Spáni því farið upp í ca.13%.

LAS RAMBLAS GOLFVÖLLURINN
Þennan golfvöll þurfa allir alvörugolfarar að prófa amk. einu sinni um æfina. Þessi golfvöllur er ekki allra, annað hvort hatar þú völlinn eða elskar hann. Allavega er þetta golfvöllurinn fyrir golfara sem vilja taka áhættur, en geta líka valið auðveldari leiðir.
Völlurinn var opnaður árið 1991, hannaður af Pepe Gancedo. Hann er ca. 5.800 metra langur og par 72. Hönnun vallarins er sérlega skemmtileg, holurnar fjölbreyttar og bjóða upp á ýmis erfiðleikastig.
Þennan golfvöll er bæði hægt að fara á golfbíl eða ganga hringinn, sem skapar fjölbreytni í upplifun.
Las Ramblas golfvöllurinn þykir einstaklega fallegur, með mikla náttúru og grænan gróður. Tré og gil eru stundum fyrir golfaranum, en þegar maður sigrast á vellinum skapar það tilfinninguna um að langa  að koma strax aftur.
En eitt er víst, að ef þú hefur einu sinni spilað Las Ramblas er það völlur sem þú manst alltaf eftir.


Eiginleikar: golf, einkasundlaug, sér garður, arinn, ofnahitun, air con, endursölueign, útsýni,
Svæði: Costa Blanca, Las Ramblas Golf,

Kort af svæðinu